Gjilani nuk e kapi momentumin!

Skuadra e Gjilanit ka pësuar humbje në terren të saj nga Drenica, duke e lëshuar një mundësi të artë, për ngritje në tabelë, nëse i referohemi edhe rezultateve të skuadrave tjera pretendente për pjesën e sipërme të tabelës së klasifikimit, që mundësojnë daljen në Evropë.

Prishtina sot barazoi e Malisheva humbi, por ja që edhe Gjilani ndërpreu serinë e fitoreve, edhe atë në një momentum të artë, për tu ngritur në pozitën e tretë. Humbi nga Drenica e fundit, e cila, që gjashtë javë nuk kishte shijuar fitore, por atë e gjeti ndaj Gjilanit.

Drenica e gjeti fitoren sepse i dëshiroi më shumë pikët, derisa loja e skuadrës gjilanase mund të thuhet se ishte e plogësht, pa dinamikë të një mentaliteti fitues, , “pa zjarr…”, dhe të krijohej përshtypje që po të luheshin akoma minuta shtesë, futbollistët e skuadrës “kuq e bardh”,  nuk do të mund ta gjenin rrjetën kundërshtare Thjesht, Gjilani bëri një “luftë” pa “gritha” dhe me të tilla “luftëra” , s’ka fitore, për rrjedhojë s’ka pikë.

Gjithsesi, ndeshje deri në fund të edicioni ka sa të duash, por se Gjilanit i duhet të ndezë një “zjarr të brendshëm”, te secili lojtarë, sepse ekipet edhe humbin, por pikët duhet dëshiruar duke shpërfaqur “shpirtin luftarak“ në fushën e blertë, nga minuta e parë deri në minutën e fundit.

Përndryshe, kur jemi te ndeshja e sotme, golin e fitores për Drenicën e shënoi Kreshnik Uka nga penalltia në minutën e 22-të, të takimit.

Aktualisht, Gjilani mbetet në vendin e pestë me 36 pikë, por Dukagjini që është i gjashti me 33 pikë, ka një lojë më pak të zhvilluar, por se ka golaverazh më të mirë dhe në rast fitoreje, do ta zbriste Gjilanin edhe për një pozitë. /2LONLINE/