Gjilani nikoqir i një konference të rëndësishme

/2L ONLINE/ – ISLD – Instituti për Studime Ligjore dhe Demokratike, të shtunën më 05 Shator, organizon Konferencën e III-të Shkencore Regjionale, Kosovë, Shqipëri, Maqedoni, Mali i Zi dhe Serbi, me temë: “Të arriturat dhe sfidat e shteteve të Ballkanit në rrugën e integrimit evropian”.

Hapja ceremoniale e konferencës do të bëhet në ora 10″00 në sallën e Kuvendit Komunal të Gjilanit, ndërsa konferenca punimet do ti zhvillojë prej orës 11:00 deri ora 15:00 në sallën e KK Gjilan dhe sallën e konferencave të Hotel Kristal Gjilan. Publiku i interesuar mund t’i ndjek prezantimet e punimeve.

Në pjesën e parë të hapjes ceremoniale do të marrin pjesë Kryetari i Komunës së Gjilanit Lutfi Haziri, nën kryetari i Komunës së Vitisë Hasan Aliu, Drejtori i Institutit për Kërkime dhe Zhvillim të Ulqinit prof. dr. Elez Osmani dhe drejtori i ISLD-së, Flamur Hyseni.

Sipas drejtorit të ISLD-së, Flamur Hysenit, në konferencë me punime do të paraqitën 106 punëtor shkencorë nga fakultet e shkencave shoqërore të universiteteve publike dhe private nga Shqipëria, Maqedonia, Kosova, Mali i Zi dhe Serbia.

“Punimet që do të pr4ezantohen ndërlidhen me fushën e integrimeve evropiane, çështje të zhvillimit ekonomik, diplomacisë, sundimit të ligjit, të drjetave të njëriut, çështje sociale, etj. Punimet do të botohen në Revistën e Shkencave Shoqërore, REFORMA, nr. 2/2015, të cilën e boton ISLD. Konferencën e kanë mbështetë, FES-i, Komuna e Gjilanit, Komuna e Vitisë, Vala”, ka bërë të ditur Flamur Hyseni, Drejtor i ISLD-së. /2L ONLINE/