Gjilani me plan kontingjent për menaxhimin e situatave në rast të ndonjë fluksi të refugjatëve

/2L ONLINE/ – Është mbledhur grupi punues i cili është themeluar kohë më parë me vendim të kryetarit të komunës së Gjilanit, Lutfi Haziri, i cili, formalisht ka zyrtarizuar planin kontingjent për menaxhimin e situatës në rast të ndonjë fluksi të refugjatëve nga Lindja e afërt.

Drejtorisë për Mbrojtje dhe Shpëtim, Ensar Kadriu, i ka thënë grupit punues se përmes këtij plani në mënyrë të detajuar janë paraparë situata dhe menaxhimi i tyre për pritjen dhe akomodimin e fluksit të mundshëm të refugjatëve.

Përndryshe, bartës i hartimit të këtij plani ka qenë Drejtoria për Mbrojtje dhe Shpëtim, ndërsa si pjesë e grupit janë angazhuar të gjitha subjektet komunale relevante që ligji i obligon në situata emergjente, duke përfshirë edhe Kryqin e Kuq, Policinë e Kosovës dhe FSK./2L ONLINE/