Gjilani me 3 nëntor i tha jo më keqqeverisjes në Kosovë!

(2LONLINE) – Zgjedhjet e 3 nëntorit kanë vërtetue se LDK-ja dhe filozofia Rugoviane gjithnjë e më shumë po rikthehen në mendjen dhe bindjet politike tek shumica e popullit të Kosovës, të bindur se ajo është forca e vetme politike e cila dinë dhe mundet me e ndalë të keqen e madhe e cila në gjashtë vitet e fundit e ka kaplue tërë vendin.

Më një fjalë, po rikthehet shpresa dhe besimi i qytetarëve tanë, se LDK-ja ka vullnet politik dhe kombëtar dhe e cila është e aftë t’i sigurojë një të ardhme më të mirë popullit, gjë e cila u dëshmue qartë gjatë krejt kohës së fushatës parazgjedhore gjithandej Kosovës, dhe në veçanti në Anamoravë.

Sepse, shumica e popullit në Gjilan votën e vetë ia ka dhënë LDK-së dhe kryetarit të saj Lutfi Haziri, dhe, tani mbetët që më 1 dhjetor të vërtetohet në mënyrë plebishitare që z. Haziri nga kjo datë do të jetë kryetari i shumicës absolute të qytetarëve të kësaj komune.

Prandaj, çdo kalkulim apo forma tjera për ta devalvuar procesin e votimit të lirë të qytetarëve në këtë ditë, do të jetë i kot dhe i destinuar për dështim.

Anëtarësia e LDK-së dhe qytetarët në Gjilan e ka konfirmue bindshëm fitoren e saj, qoftë përmes votës, qoftë me pjesëmarrjen masive në tubimet elektorale, sikur që u vërtetue në festën e 3 nëntorit, kur qyteti i Gjilanit festonte për ndryshimet politike që po ndodhnin atë ditë historike për Kosovën.

Pra, fitorja e LDK-së në Gjilan më 1 dhjetor do të jetë sihariqi më i mirë për gjithë Kosovën e stërkequr nga keq qeverisja e pozitës politike në pushtet..!/2lonline/