Gjilani mbyll bashkëpunimin edhe me Leonit Abazin
“SC Gjilani e falënderon Leonit Abazin për kontributin e dhënë në fanellën kuq & bardh, duke i uruar sukses në vazhdim. Mbrojtësi i krahut nuk është më pjesë e jona, pasi me përfundimin e sezonit 2025/26 ka skaduar kontrata e tij me klubin”, thuhet në njoftimin zyrtar të klubit “kuq e bardh”.
U mësua se pas një periudhe bashkëpunimi, palët ndahen me respekt dhe mirënjohje të ndërsjellë për rrugëtimin e përbashkët, duke i uruar njëra-tjetrës suksese në vazhdim.
Abazi u bashkua me ekipin e Gjilanit edicionin që përfundoi, teksa u paraqit në dy ndeshje zyrtare kampionale, atë ndaj Dukagjinit dhe Prishtinës së Re, në pjesën e dytë të kampionatit.
“Sport Club Gjilani e falënderon Leonit Abazin për kontributin e dhënë me fanellën kuqebardh, për profesionalizmin e treguar gjatë gjithë kësaj periudhe dhe i uron shëndet, mbarësi dhe shumë suksese në vazhdimin e karrierës”, thuhet në njofitm. /2LONLINE/