Gjilani lanson platformën online për rini

/2L ONLINE/ – Njësia për Rini e Komunës së Gjilanit ka lansuar sot platformën për strukturën rinore, në të cilën mund të gjenden informacionet më të rëndësishme për këtë sektor.

Në kuadër të vegëzës, e cila gjendet ne ueb faqen zyrtare të Komunës me emërtimin Gjilani Rinor, të rinjtë e Gjilanit do të mund të informohen për aktivitetet e këtij sektori, organizatat rinore, KVRL, Qendra Rinore, Parlamenti Studentor e Këshilli i Nxënësve.

Si element i rëndësishëm i kësaj platforme është rubrika Fol me Kryetarin, ku të rinjtë mund ta kontaktojnë direkt të parin e Komunës dhe të marrin përgjigje varësisht nga interesimet e tyre./2L ONLINE/