Gjilani ka filluar hapjen dhe pastrimin e të gjitha pusetave të bllokuara

Gjilani ka filluar hapjen dhe pastrimin e të gjitha pusetave të bllokuara

Në Komunën e Gjilanit, Kompania Regjionale e Ujit, ‘Hidromorava’, në kuadër të aksionit ‘Ta pastrojmë Gjilanin’, ka filluar pastrimin e ujëmbledhësve atmosferik nëpër rrugët e qytetit të Gjilanit, aktivitet për të cilin kryetari i Komunës së Gjilanit, Lutfi Haziri e ka mbështetur dhe ka bërë thirrje tek qytetarët për më shumë kujdes dhe përkushtim për ambient të pastër.

Muhamed Suliqi, drejtor i KRU ‘Hidromorava’, ka pohuar se aktiviteti i sotëm i realizuar nga punëtorët e kësaj kompanie, është në kuadër të planit të veprimit në kuadër të aksionit ‘Ta pastrojmë Gjilanin’ dhe do të vazhdoj deri në hapjen e të gjitha pusetave.

“Pastrimin e pusetave të grumbullimit të ujit atmosferik, ‘Hidromorava’ është duke e bërë në kuadër të aksionit për pastrimin e Gjilanit, aksion i cili ka filluar me datën 15 shtator dhe do të vazdoj deri më 15 dhjetor. Pastrimi i ujëmbledhësve është i domosdoshme për evitimin e vërshimeve gjatë të ardhmes në rast të reshjeve, por njëkohësisht eliminon edhe kundërmimin. Si kompani do të vazhdojmë që ti mirëmbajmë edhe në të ardhmen, por njëkohësisht apelohet tek qytetarët, që të mos hugjin mbeturina në to”, ka potencuar ai ndër të tjerash.

Për ndryshe, Komuna e Gjilanit është e vendosur të bëjë pastrimin e gjithë territorit të Gjilanit që nga qendra e deri në fshatrat më të largëta, për të qenë Komuna më e pastër në nivel të Republikës dhe më gjerë.

KOMENTE