Gjilani i paqëndrueshëm!

SC Gjilani ka dëshpëruar sot me paraqitjen e saj në ballafaqim që e pati para shikuesve të saj, me skuadrën e Malishevës, ndeshje kjo që e humbi me rezultat 1:3. Shënues Thaqi për vendësit dhe Zeka Opeh e Aliu për mysafirët.

Sikurse në një pjesë bukur të mirë të edicionit të kaluar, edhe në këto katër xhiro të deritanishme të këtij edicioni, Gjilani ka luhatjet në lojën e saj, nga java në javë.

Ndeshja e mirë me Prishtinën dhe fitorja prej 3-1, në xhiron e tretë, bëri që të harrohet humbja ndaj Dukagjinit (2:0) në xhiron e dytë, dhe kur u mendua që Gjilani gjeti vetën dhe në këtë javë, kundër Malishevës, do të vazhdojë me lojë të mirë e me rezultat pozitiv, skuadra kuq e bardh befasoi për të keq.

Gjilani, edhe kur po e gjen lojën e duhur, nuk po arrin të krijojë stabilitet. Kjo i ndodhi sot me Malishevën. Skuadra gjilanase, përfshirë edhe prurjet e reja, ka brumë për një skuadër që mendohet për kreun e tabelës përkatësisht garat evropiane, por se i duhet të reflektojë dhe ta gjej formulën e duhur që nga ai brumë, përveç që të del një gatojcë e mirë të ketë edhe qëndrueshmëri në vazhdimësi.

Gjithsesi, janë vetëm katër javë në këtë edicion tëri të Superliges së Kosoves ne futboll dhe komponimi i duhur i skuadrës së Gjilanit dhe për gjetjen e kësaj formule ka kohë, e tani për tani, kuq e bardhët nga këto katër xhiro kanë 4 pikë, një fitore, një barazim dhe dy humbje.  /2LONLINE/