Gjilani i gatshëm për sfidën ndaj Dritës

Ekipi i Gjilanit ka zhvilluar edhe seancën e fundit stërvitore në prag të sfidës kampionale ndaj Dritës në fundjavë.

Sipas drejtuesve të klubit, atmosfera dhe disponimi i futbollistëve ka qenë në nivelin më të lartë të mundshëm, derisa është mbajtur edhe sesioni i fundit stërvitor.

“Pjesë e grupit kanë qenë gjithë futbollistët dhe ekipi do jetë i kompletuar si asnjëherë më parë këtë edicion garash”.

Për këtë sfidë është rikthyer edhe Edi Basa, i cili mungoi në ndeshjen e fundit për shkak të suspendimit të kartonëve.

Dueli ndërmjet Gjilanit dhe Dritës do të zhvillohet të shtunën me fillim nga ora 16:00 në stadiumin ndihmës në Gjilan.  /2LONLINE/