Gjilani gjen rrugën e fitores ndaj Ballkanit

Gjilani ka shënuar një fitore minimale por të rëndësishme ndaj një kundërshtari të fortë siç është Ballkani, pretendent për titull., në ballafaqimin e javës së pestë të Superligës së Kosovës në Futboll.

Goli i vetëm në këtë takim erdhi në minutën e 67-të, të takimit kur futbollisti Robert Rrahmani tundi portën kundërshtare për 1:0, që doli të jetë edhe rezultati përfundimtar i takimit.

Kjo fitore është e rëndësishme për skuadrën “kuq e bardh” edhe për faktin se pas humbjes nga Malisheva në xhiron e kaluar, kalendari i garave ia kishte caktuar Gjilanit, një vazhdim me tri ndeshje të forta, sot pra kjo me Ballkanin, e më pas edhe me Dritën e Prishtinën, andaj kjo fitore mund të jetë motivuese dhe ndikuese në vetëbesim për sfidat e radhës.  

Përndryshe, me këto tri pikë të reja, tani Gjilani ka 10 pikë dhe për momentin ngritët në pozitën e tretë, për shkak gol-dallimit, sepse 10 pikë ka edhe Malisheva e dyta, ndonëse kjo skuadre ndeshjen e javës së pestë e luan nesër.

Ndeshja e radhës për Gjilanin është derbi i Superligës, ai me kundërshtarin lokal, Dritën.  /2LONLINE/