Gjilani furnizon Vllazninë e Pozheranit, ia huazon edhe portierin e talentuar
Kf.Gjilani ka huazuar portierin e talentuar, Aridon Bllaca për një edicion tek skuadra nga Liga e Parë, Vllaznia e Pozheranit.
Bllaca u huazua nga Gjilani me qëllim që të marrë minutat e duhura te Vllaznia dhe të fitojë përvojë.
Ky ishte huazimi i katërt i Gjilanit te Vllaznia, pasi më parë kanë huazuar edhe Kujtim Dubovën, Arbër Mustafën dhe Altin Aliu.
Njoftimi i plotë nga klubi:
Portieri i dalur nga akademia e klubit, Aridon Bllaca, huazohet tek skuadra e Vllaznisë së Pozheranit.
Portieri 18 vjeçar, produkt i shkollës së futbollit, do të kaloj në huazim një vjeçar tek skuadra e Vllaznisë, me ç’rast ai pritet ti ketë hapsirat e nevojshme për fitimin e përvojës dhe vazhdimësinë e ndeshjeve, për të cilën është jetike për një futbollist të ri sikurse Bllaca, në formimin e tijë dhe rritjen si futbollist.
Kujtojmë se Bllaca tek Vllaznia e Pozheranit do të gjejë treshen e futbollistëve, Dubova, Mustafa e Aliu, të cilët ditën e djeshme gjithashtu u huazuan tek e njejta skuadër.
Klubi i dëshiron sukses Aridon Bllacës në skuadrën e tijë të re, ku ekipi i Gjilanit pret paraqitje pozitive nga portieri i ri.
