Gjilani fiton një projekt nga GIZ-i për efiçiencën e energjisë

/2L ONLINE/ – Pas shumë projekteve të fituara nga Komisioni Europian dhe organizata të tjera europiane, Komuna e Gjilanit ka fituar edhe një projekt tjetër – atë për implementim të projektit të efiçiencës së energjisë në planin e qëndrueshmërisë dhe veprimit, më saktësisht për hartimin e SEAP-it në vlerë prej mbi 37 mijë euro, ku edhe komuna merr pjesë si bashkëfinancuese me një përqindje të vogël.

Ky projekt rajonal përkrahet nga GIZ-i gjerman dhe implementimi i tij kanalizohet nëpërmjet asociacioneve të komunave në Evropën Juglindore, ndërsa në rastin e Kosovës, nëpërmjet Asociacionit të Komunave të Kosovës.

Ky proces do të avancoj mënyrën e menaxhimit të energjisë në Komunën e Gjilanit, duke përfshirë të gjitha fushat relevante lidhur me këtë.

Hartimi i këtij dokumenti hap rrugën që Komuna e Gjilanit të anëtarësohet në rrjetin e quajtur Covenant of Mayors.

Ndryshe, me ardhjen në pushtet të kryetarit Lutfi Haziri, Komuna e Gjilanit ka fituar disa projekte në vitin e kaluar nga Komisioni Europian dhe organizata të tjera të fuqishme evropiane në të mirë të qytetarëve të Gjilanit./2L ONLINE/