Gjilani fiton me përmbysje rezultati
(2L ONLINE) – Skuadra e Gjilanit ka shënuar fitoren e dytë këtë edicion deri sa para publikut të vet e ka mposhtur 2 Korrikun pas përmbysjes së rezultatit në pjesën e dytë. Kjo fitore e mban skuadrën gjilanase në kreun e tabelës me 6 pikë nga dy ndeshjet e para.
Dy ndeshje dy fitore, ky është bilanci i skuadrës së drejtuar nga Musa Selimi që regjistron triumfin e radhës pas mposhti 2 Korrikun.
‘’Kemi shënuar një fitore mjaft me rëndësi përballë një skuadre të forte siç është 2 Korriku dhe mendoj se jemi favoriti kryesor për tu rikthyer në elitë’’ u shpreh pas ndeshjes tekniku gjilanas, deri sa mbetet i kënaqur me angazhimin e futbollistëve të tij megjithëse ka ende elemente për tu përmirësuar.
Pjesa e parë
Me ritëm mjaft të lartë u zhvilluan 45 minutat e pjesë lojës së parë deri sa edhe efikasiteti nuk vonoi shumë. Vetëm pas tre minutave lojë, Qerimi i mysafirëve befasoi vendasve duke shënuar gol me kokë nga këndorja.
Kundërpërgjigjja vjen shpejtë nga Visar Sermaxhaj deri sa shënon nga ndërprerja në minutën e 14-të, deri sa mesfushori shpërdoroi një mundësi të mire shënimi para se të realizonte. Gjithsesi kjo ishte e gjitha që kishin rezervuar futbollistët përgjatë këtij fraksioni deri sa drama do të zhvillohej në pjesën e dytë.
Pjesa e dytë
Gjilani shpejt do të gjente golin e avantazhit në pjesen e dytë përmes Jasharit mirëpo do ta kishte vështirë ta mbante atë deri sa miqtë rrezikojnë deri në frymën e fundit. Rastin më të mire për të barazuar tek udhëtuesit e kishte i riu Boshnjaku deri sa gjuan drejt e në duart e Malokut një minutë para fundit të ndeshjes.
Mirëpo për kundër humbjes tekniku i verdh e bluve mbetet i kënaqur me lojën e futbollistëve të tij. ‘’ i kënaqur me angazhimin e futbollistëve të mi, kemi zhvilluar një ndeshje të mire që në fund u vendos nga përvoja. Gjilani ka një skuadër mjaft të forte dhe mendoj se me meritë e fitoi ndeshjen’’, përfundoi Arsim Thaqi.
Gjilani – 2 Korriku 2:1
Stadiumi i Qytetit në Gjilan
Shikues: 400
Gjyqtarë: L.Hasani, N.Hyseni, F.Kiqina
Kartonë të verdhë: Shaqiri – Kaqiu, Kadriu, Beqiri, Qerimi
Golashënues: Sermaxhaj 14’, Jashari 47’ – Qerimi 3’
Gjilani: Maloku, Hyseni, Kastrati, Emini (Maliqi), Beqiri, Mustafa (Ademi), Shaqiri, Morina, Sermaxhaj (Kosumi), Jashari, Blakqorri. Trajner: Musa Selimi
2 Korriku: Kaqiu, Kadriu, Beqiri, Ismajli, Prapashtica, Hamiti, Boshnjaku, Qerimi (Stublla), Zeneli, Sahiti (Fejzullahu), Ademi (Bajrami). Trajner: Arsim Thaqi
/Drilon SYLEJMANI/2L ONLINE/
/fotoilustrim/