Gjilani eliminohet nga Kupa, dihen tani më tre gjysmëfinalistë

Sot janë zhvilluar tri ndeshje të çerekfinales së Kupës së Kosovës në Futboll.

SC Gjilani është eliminuar pasi ka humbur nga Ballkani me rezultat 2:1, në një ndeshje të luajtur në Suharekë.

Ballkani realizoi golat përmes futbollistëve, Bleart Tolaj dhe Geralb Smajl e për gjilanasit shënoi Senad Jaroviq.

Në dy ndeshjet tjera: Ferizaj mundi Vushtrrinë 2:0, e Dukagjini ishte më i mirë se Feronikeli 74, duke e mundur me rezultat 3:0.

Pra, tani më dihen tre gjysmëfinalistë që janë, Ballkani, Dukagjini e Ferizaj, derisa gjysmëfinalisti i fundit do të dihet pas përfundimit të ballafaqimit të nesërme të çerekfinales në mes të Llapit e Malishevës.  /2LONLINE/