Gjilani e pëson nga Malisheva

Skuadra e Gjilanit ka pësuar humbje nga Malisheva, ndeshje kjo e javës së katërt të Superligës së Kosovës në Futboll, e luajtur në stadiumin “Liman Gega”.

Derisa pjesa e parë u mbyll 1:1, për gjilanasit pjesëloja e dytë ishte “fatale” kur është në pyetje rezultati, pasi pësoi dy gola ndërkohë që nuk arrit ta gjej portën kundërshtare dhe epilogu i takimit ishte: Malisheva –  Gjilani 3:1.

Golashënues i trefishtë për vendësit ishte Vusal Isgandarli derisa për mysafirët nga Gjilani shënoi Oltion Bilalli.

Pas kësaj humbje Gjilani mbetet me 7 pikë dhe zbret në pozitën e gjashtë të tabelës së klasifikimit.

Gjilani në xhiron e radhës e pret Ballkanin në shtëpi.  /2LONLINE/