Gjilani e pëson nga Dukagjini

SC Gjilani ka pësuar humbje nga Dukagjini, në ballafaqimin e javës së dytë të Superligës së Kosovës në futboll.

Rezultati final Dukagjini – Gjilani 2:0. Golashënues Pefqeli (35’) dhe Zulfiji (90+2’).

Skuadra “kuq e bardhë” që drejtohet nga Ardian Nuhiu, përkundër përforcimeve, ambicieve e synimeve të saja të qarta edhe pas javës së dytë mbeti pa e shijuar fitoren. Vetëm një pikë nga këto dy xhiro, bëjnë që ky ekip të llogaritet se startoi keq.

E, kur dihen synimet e saja, as nuk mund të mendohen të realizohen me barazime e humbje. Por, gjithsesi jemi në start të kampionatit dhe skuadra gjilanase do të duhej të analizojë këto dy xhiro, të reflektojë dhe ta gjej vetën, aty ku e do, nëse kreu i tabelës, apo Evropa, është ajo që klubi do të duhej ta arrijë, e arritur që duhej parë si diçka normale nëse shohim përbërjen e skuadrës dhe angazhimet dhe pretendimet e drejtuesve të klubit.   /2LONLINE/