Gjilani brenda 10 ditësh mban 12 dëgjime për planifikim të buxhetit 2017
/2L ONLINE/ – Komuna e Gjilanit, përkatësisht Drejtoria për Buxhet dhe Financa, ka mbajtur sot dëgjimin e fundit buxhetor për planifikimin e buxhetit për vitin 2017 me grupin e grave të Gjilanit, e që është i 12-ti brenda dhjetë ditëve.
“Ky është takimi i fundit për planifikimin e buxhetit dhe jemi të nderuar që po e përmbyllim me juve. Qëllimi është që t’i marrim kërkesat dhe nevojat tuaja dhe të shikojmë mundësitë që t’i inkorporojmë në buxhetin e vitit 2017”, ka thënë me këtë rast drejtori për Buxhet dhe Financa, Zijadin Maliqi.
Ai ka njoftuar se në bazë të kufijve buxhetor të përcaktuar nga Ministria e Financave, buxheti i Gjilanit për vitin 2017 do të jetë 22.657.750 euro dhe krahasuar me vitin e kaluar është 6 për qind më i lartë.
Maliqi tha se tek kategoria e investimeve kapitale për herë të parë kalohet shifra mbi 4 milionë (22.4 për qind krahasuar me vitin 2016), ndërsa për kategorinë e subvencioneve janë paraparë 554 mijë euro.
Ai ka njoftuar se jashtë këtij buxheti, Komuna e Gjilanit falë angazhimit të kryetarit Haziri, planifikon të ketë investime nga ministrisë dhe donatorët e huaj mbi 20 milionë euro.
Gjatë këtij takimi për planifikimin e buxhetit ka folur edhe anëtari i Komitetit për Politikë dhe Financa, Avdy Aliu, derisa kanë kontribuar me kërkesa, pyetje e interesime edhe përfaqësueset e disa organizatave të Gjilanit.
Festa Demiri, koordinatore e qendres “Pema” ka kërkuar informacione lidhur me subvencionet për këtë organizatë, Shahadije Rexhepi, drejtoreshë e “Agro-Eko” ka kërkuar kod të veçantë buxhetor për organizatat që merren me kategori të ndjeshme të shoqërisë, ndërkaq Shpresa Hajdari, përfaqësuese e organizatës “Gruaja Hyjnore” ka shfaqur shpresën që Gjilani, në planifikim të buxhetit të jenë përfituese dy gjinitë.
Kërkesave të tyre i është përgjigjur drejtori Maliqi, i cili tha se kategoria e subvencioneve është paraparë edhe subvencionimi i organizatave që merren me kategori të ndjeshme të shoqërisë.
Përndryshe, gjatë këtyre ditëve, Komuna e Gjilanit ka mbajtur dëgjime buxhetore edhe në Kmetoc, Malishevë, Cernicë, Livoç i Ulët, Llashticë, Bresalc, Ponesh, Pogragjë, Dobërqan, Dheu i Bardhë, Velekincë, /2L ONLINE/