Gjilani bën goditjet e rradhës, merr Salihun dhe Jetullahun

(2L ONLINE) – Skuadra e Gjilanit ka bërë dy super përforcime, për ta arritur qëllimin e saj që të rikthehen në Superligë. Së fundmi skuadra bardh e kuq ka angazhuar në radhët e veta dy lojtarë që së fundmi ishin pjesë e elitës së futbollit kosovar.

Sulmuesi, Shkëmbim Salihu i cili së fundmi ishte në Prishtinë dhe mesfushori Labinot Jetullahu që erdhi nga Drenica, janë përforcimet e mëdha të Gjilanit.

Me këto dy përforcime numri i lojtarëve të ardhur në kampin gjilanas shkon në katër, pasi më herët ishin transferuar Arbër Shala nga Hajvalia dhe Bunjamin Xhemaili nga Tërnoci.

Aktualisht skuadra e udhëhequr nga Musa Selimi janë në pozitën e dytë me pikë të barabarta 34 me Llapin që janë liderë por vetëm me golaverazh më të mirë.

Sigurisht që pas këtyre dy përforcimeve të mëdha, i kënaqur është edhe trajneri Musa Selimi i cili nga fillimi i kampionatit ka bërë një punë të madhe për ta mbajtur skuadrën në krye të tabelës në Ligën e Parë.

/Drilon SYLEJMANI/2L ONLINE/