Gjilanasja Elona Sadiku anëtarja më e re e Ansamblit “Zanat”

“Jemi shumë të lumtura t’ju ndajmë një lajm të bukur – ansambli ZANAT ka tashmë një anëtare të re! Elona Sadiku i është bashkuar ansamblit tonë dhe ka sjellë me vete frymëzim të ri, energji dhe një zë të mrekullueshëm”, thuhet në njoftimin e këtij Ansambli.

Më tej thuhet se: Prej disa javësh kemi qenë në punë intensive dhe kemi krijuar një bashkëpunim që mezi presim ta ndajmë me ju. Elona është bërë menjëherë pjesë e pandashme e rrugëtimit tonë artistik dhe së bashku kemi ndërtuar diçka që do ju emocionojë thellë.

Së shpejti do të vijmë me një koncert të ri – një performancë që do ta ndajmë me gjithë zemër me ju. Na ndiqni sepse nuk do të vonojmë shumë!  /2LONLINE/