Gjilan: Vetura godet trevjeçaren

/2L ONLINE/ – Autoritetet policore kanë bërë me dije për një aksident trafiku, me lëndime, ku në rrugën “7 Shtatori”, në Gjilan, vetura ka goditur këmbësoren, një trevjeçare, duke i shkaktuar lëndime. Asaj i jepet ndihma mjekësore në Spitalin e Gjilanit. Fatmirësisht fëmija është jashtë rrezikut për jetë.

Ismet Hashani, zëdhënës i Policisë së Kosovës (PK), në Drejtorinë Rajonale në Gjilan ka thënë se nga hetimet e para besohet se deri te aksidenti ka ardhur atëherë kur vetura Opel Astra me targa 06, drejtuar nga vozitësi, bën vozitje të pakujdesshme në qytet dhe kur fëmija- femër (3 vjeçare) tenton ta trupoj rrugën, e godet me krahun e djathtë te veturës, me ç’rast pëson lëndime trupore.

Asaj i jepet ndihma mjekësore në Spitalin e Gjilanit. Fatmirësisht fëmija është jashtë rrezikut për jetë. Rasti procedohet në Prokurorinë Themelore. /2L ONLINE/