Gjilan: U mbajt Olimpiada Mbarëkombëtare e Gjuhës Shqipe – Faza II, në nivel komunal

“Sot është mbajtur Olimpiada Mbarëkombëtare e Gjuhës Shqipe – Faza II, në nivel komunal”, thiuhet në njoftimin e Drjetorisë Komunale të Arsimit (DKA), në Komunën e Gjilanit.

Nga njoftimi bëhe e ditur se nga faza e parë në nivel të shkollave publike dhe private ishin kualifikuar gjithsej 145 nxënës, ndërsa në Olimpiadë morën pjesë 111 nxënës. Në bazë të rregullores së Olimpiadës së Përbashkët, nga rezultatet e arritura në nivel komunal, për fazën e tretë shtetërore janë kualifikuar 20 nxënës.

Tre vendet e para janë:

1. Jorë Haliti – 46 pikë (Agim Ramadani)

2. Ledina Hajrizi – 46 pikë (Thimi Mitko)

3. Someja Muji – 45.5 pikë (Ibrahim Uruqi)

Rezultatet e arritura nga të gjithë nxënësit janë dërguar te drejtuesit/përgjegjësit e të gjitha shkollave respektive.

Faza e tretë e Olimpiadës është planifikuar të mbahet më 9 maj në Prishtinë.

“Drejtoria Komunale e Arsimit i uron të gjithë nxënësit pjesëmarrës për sukseset e arritura. Njëkohësisht, DKA falënderon komisionin për organizimin dhe punën profesionale në realizimin e olimpiadës në nivel komunal”, thuhet në fund të njoftimit të DKA-së në Gjilan.  /2LONLINE/