Gjilan: Te parku i qytetit kapet me marihuanë
Ismet Hashani, zëdhënës i Policisë së Kosovës (PK), në Drejtorinë Rajonale në Gjilan ka bërë me dije se Policia e Kosovës, Drejtoria për Hetimin e Trafikimit të Narkotikëve, që veprojnë në Gjilan, te parku i qytetit në Gjilan kanë ndaluar një person dhe gjatë kontrollit tek i njëjti është gjetur një qese e dyshuar me substancë narkotike e llojit marihuanë.
“I njëjti është arrestuar dhe është sjellë ne Stacion Policor te Gjilanit, është konfiskuar substanca narkotike, është bere matja me peshore zyrtare e cila ka peshuar një pike nëntë /1,9/ gram”, ka thënë zëdhënësi Hashani.
Sipas tij, lidhur me rastin është njoftuar Prokurori i Shtetit i cili ka urdhëruar që i dyshuari të intervistohet dhe rasti të dërgohet në Procedurë të rregullt në Gjykatë.
