Gjilan: Takimi informues mbi skemën e granteve investuese për fermerët

Në Sallën e Kuvendit Komunal të Gjilanit, u mbajt një takim informues mbi skemën e granteve investuese, të organizuar nga MBPZHR dhe GIZ-i Gjerman, në emër të Qeverisë Gjermane.

Bajram Isufi, drejtor i Drejtorisë për Bujqësi në komunën e Gjilanit, ka bërë me dije se takimi kishte për qëllim informimin e fermerëve të pranishëm për mundësitë e granteve investuese, Lot 1 dhe Lot 2, që janë pjesë e një iniciative për zhvillimin ekonomik rural të qëndrueshëm.

Kjo Skemë ofron mundësi për biznese të vogla dhe ekonomitë familjare që operojnë në fushat si:

1. Mbledhja, përpunimi dhe paketimi i produkteve jo drusore (bime aromatike, mjeksore, kërpudha, etj.)

2. Agroturizëm (ushqim, akomodim, argëtim)

3. Përpunimi i produkteve bujqësore

4. Prodhimi i mjaltit

5. Artizanale

6.Rritja e shpezëve për prodhimin e mishit dhe vezëve

Lot 1: Projekte deri në 5,000.00€

Lot 2: Projekte nga 5,000.00€ deri në 50,000.00€

Afati i aplikimit: Deri më 22.09.2025.

Fermerët e pranishëm shfaqën interes të madh dhe morën informacione të vlefshme nga përfaqësuesit e GIZ dhe MBPZHR, ka bërë me dije, drejtori Isufi.

Për më shumë informata, mund të kontaktoni:

[email protected] ose +383(0)49 184 795 ose direkt në Drejtorinë për Bujqësi dhe Pylltari, Gjilan.  /2LONLINE/