Gjilan: Shiu i shumëpritur dhe rrugët e vërshuara lum! (foto)

/2L ONLINE/ – Jemi mësuar tani më, që pas çdo shiu të një intensiteti pak më të lartë, rrugët e qytetit të Gjilanit t’i ngjasojnë lumenjve. Kjo pastaj vështirëson edhe komunikacionin, por edhe lëvizjen e lirë të qytetarëve, që ballafaqohen me problemin e kalimit të rrugëve nga njëra anë në tjetrën. Kështu ndodhi edhe sot pasdite në Gjilan kur një rrebesh shi ra për pak minuta.

Ky shi, ndonëse solli freskinë e shumëpritur dhe “shpërlau” edhe rrugët dhe parkun e qytetit, duke sjellë frymim më të lirë, megjithatë na përkujtojë edhe njëherë se qytetit i duhet një zgjidhje sepse përherë në momenti sa është duke ra shiu, pothuajse kemi një qytet me rrugët lum. Po ashtu, qytetarët kanë frikë se shiu i tillë, po të vazhdojë të bije më gjatë, mund të vërshojë dhe t’u bëjë dëme edhe nëpër lokale dhe shtëpi të tyre, siç edhe ka ndodhë shpeshherë, andaj e konsiderojnë si të domosdoshme ndërhyrjen e institucioneve në evitimin e problemit të përhershëm që ka qyteti, atë të mungesës së kanalizimeve, të mirëfillta, për ujëra atmosferikë.

Po shihet gjendja në qendër të qytetit, por hiq më mirë nga ky shi i sotshëm, nuk ishin edhe rrugët tjera në dalje dhe në lagjet e ndryshme të komunës së Gjilanit ku kemi pas pjesë, ku uji ishte i grumbulluar duke i bërë ato të pakalueshme. /2L ONLINE/