Gjilan, Rexhën e kemi thirr, ka mbet veç me e prit mirë!
Njoftim nga Teatri i Qytetit – Gjilan
Filmi “Krejt e thirrin Rexhën” nga Ibër Dehari
Pas shumë prezentimeve dhe pjesëmarrjeve në shumë festivale brenda dhe jashtë vendit, filmi “Krejt e thirin Rexhën” vjen në Gjilan.
Me 25 Dhjetor, ora 20:00 – Teatri i qytetit Gjilan.
Zhanri : Dramë,komedi.
Në një vend ku mjeshtrat janë tretë n’gurbet, ka mbetë veç Rexha – mjeshtri i fundit që s’e len punën pa e kry.
Ai shkon shtëpi për shtëpi, aty ku ka nevojë për dorë mjeshtri, por tu punue, ai sjell edhe rrëfime.
Tregon çka ndodh mbrenda atyne mureve: hallin e njerëzve, të qeshunat që dalin prej absurdit, e jetën që rri pezull ndërmjet ikjes e qëndrimit.
Me nji humor të hidhun e grotesk, filmi shpalos plagën e emigracionit – si po boshatisen shtëpitë, si po mpihen fjalët, e si mbeten vetëm kujtimet e zani i Rexhës që rrëfen për krejt.
“Krejt e thirrin Rexhën” asht nji pasqyrë e hidhun e kohës sonë, ku njeriu rri me shpresë, punon, e rrëfen – për mos me u harru.
Gjilan, Rexhën e kemi thirr, ka mbet veç me e prit mirë!
Për shkak numrit të madh të të interesuarve nuk do të ketë rezervime, vetëm blerje në biletarinë e Teatrit të Gjilanit.
Filmi vjen si organizim nga Mobikino dhe Ernest Zymberi.
Tel : 045 222 525