Gjilan: Raportohen dy raste të dhunës në familje

Referuar statistikave ditore të Policisë së Kosovës,  brenda 24 orëve të fundit, në Gjilan janë regjistruar dy raste të dhunës në familje.

Për këto raste, janë arrestuar dy të dyshuar që janë dërguar në mbajtje.

DHUNË NË FAMILJE

·         Gjilan / 04.03.2025 – 14:00. Është arrestuar i dyshuari kosovar për shkak se pas një mosmarrëveshje dyshohet se ka sulmuar fizikisht bashkëshorten e tij dhe viktimën mashkull kosovar. Viktimat kanë pranuar trajtim mjekësor, ndërsa i dyshuari me vendim të prokurorit, pas intervistimit, është dërguar në mbajtje.

·         Gjilan / 04.03.2025 – 17:30. Është arrestuar i dyshuari kosovar për shkak se pas një mosmarrëveshje me prindërit e tij ka dëmtuar orenditë nëpër shtëpi dhe ka tentuar t’i sulmojë anëtarët e familjes. I dyshuari me vendim të prokurorit pas intervistimit është dërguar në mbajtje.