Gjilan: Prokuroria ngrit aktakuzë kundër dy punonjësve të KEDS-it

Prokuroria e Gjilanit ka ngritur aktakuzë kundër dy të pandehurve, persona zyrtar të KEDS-it, të cilët kanë tejkaluar kompetencat e tyre zyrtare. Prokuroria ka bërë të ditur të pandehurit B.B dhe V.H., persona zyrtar të KEDS-it, nga Gjilani më datë 7 dhjetor, me qëllim që të shkelin të drejtat e personit tjetër të privatësisë, kanë tejkaluar kompetencat e tyre zyrtare.

“Të pandehurit B.B dhe V.H., duke e keqpërdorur pozitën dhe autorizimet e tyre kanë bërë kontrollimin e kundërligjshëm të shtëpisë së të dëmtuarit I. S., në atë mënyrë që pa leje apo urdhëresë të organit kompetent dhe pa pëlqimin e konsumatorit, kanë hyrë për kontrolle, brenda shtëpisë së të dëmtuarit I. S., për të kontrolluar dhe vërtetuar se konsumatori a është duke e keqpërdorë energjinë elektrike”, thuhet në njoftim e Prokurorisë.

Me këto veprime, sipas prokurorisë, dy të pandehurit kanë kryer veprën penale kontrollimi i kundërligjshëm nga neni 201 paragrafi 1 lidhur me nenin 31 të KPRK-së.