Gjilan: Kapet me marihuanë në oborrin e një shkolle fillore

/2L ONLINE/ – Ismet Hashani, zëdhënës i Policisë së Kosovës (PK), në Drejtorinë Rajonale në Gjilan ka bërë të ditur se Drejtoria për Hetimin e Trafikimit të Narkotikëve njësitet që veprojnë në rajonin e Gjilanit, gjatë punës në teren kanë vërejtur dhe kanë arrestuar të dyshuarin Shqiptar Shtetas i Kosovës (1994) në brendësin e oborrit të një shkolle fillore këtu në Gjilan, ku gjatë kontrollimit fizik tek i njëjti gjen një paketim me substancë narkotike të cilën e sekuestrojmë si dëshmi.

“Pas kthimit në Stacionin Policor është bërë matja e substancës narkotike e cila ka peshuar me peshë 3.5 gram, në bazë të testit fushor ka rezultuar në substancë narkotike e llojit Marihuanë. I dyshuari është intervistuar në prezencë të avokatit mbrojtës”, ka thënë zëdhënësi Hashani. Sipas tij, është njoftuar Prokurori i shtetit i PTHDKR-Gjilan, i cili ka urdhëruar që lënda pas kompletimit i dorëzohet të njëjtës prokurori për hetime të mëtutjeshme. /2L ONLINE/

fotoilustrim