Gjilan: Inspekcioni kërkon largimin e objekteve montuese, gjësendeve dhe mbeturinave te objektet e banimit social

Pas ankesave të qytetarëve për vendosje të objekteve montuese, gjësendeve tjera dhe mbeturinave, inspektorët e Shërbimeve Publike, në Komunën e Gjilanit, kanë vizituar vendin te objektet e banimit social.

Inspektorët nga Drejtoria e Inspekcionit në Gjilan, kërkojnë nga pronarët e objekteve të ndryshme montuese dhe gjësendeve, të cilat i kanë vendosur afër objekteve të banimit social, që t’i heqin deri më 30 prill.

Me njoftime, pronarët e tyre janë informuar që t’i largojnë ato nga hapësirat publike më së largu deri më 30 prill në orë 24: 00.

Nga Drejtorati i Inspeksionit, njoftojnë se nëse nuk i heqin vetë pronarët, ato në të kundërtën pas kalimit të këtij afati, largimin do ta bëjë komuna me shpenzime të cilat do t’i vihen në barrë pronarëve të cilët i kanë vendosur ato.  /2LONLINE/