Gjilan: I tregon policisë se e rrahu i dashuri

/2L ONLINE/ – Ismet Hashani, zëdhënës i Policisë së Kosovës (PK), në Drejtorinë Rajonale në Gjilan ka bërë me dije për një rast të regjistruar në Gjilan, ku Policia e Kosovës përmes telefonit ka pranuar një informatë se në një veturë të parkuar është duke u përdorur dhunë fizike.

Hashani tha se patrulla në vendin e ngjarjes ka takuar dy persona një mashkull dhe një femër, që të dy shqiptar shtetas të Kosovës, ku shihet se kanë lëndime trupore, të njëjtëve ju është ofruar ndihma mjekësore në qendrën emergjente në Gjilan.

“Janë bërë hetimet dhe është marrë deklarata e ankueses në stacion policor në Gjilan, ku ajo ka deklaruar se pas një mosmarrëveshje që ka pasur me të dashurin e saj, i njëjti e ka sulmuar fizikisht, me ç’rast i ka shkaktuar lëndime trupore.

Prokurori kujdestar i ka intervistuar palët dhe me vendimin e tij i dyshuari arrestohet, dhe ndale për 48 orë. Rasti i referohet Prokurorisë Themelore. /2L ONLINE/

Fotoilustrim