Gjilan: I gjejnë në shtëpi marihuanë

Autoritetet policore kanë bërë me dije se në rrugën “Fehmi Agani” në Gjilan, është arrestuar një i dyshuar për posedim të substancave narkotike.

Sipas policisë, gjatë kontrollit në shtëpinë e tij është gjetur dhe është konfiskuar substancë e dyshuar narkotike e llojit marihuanë, me peshë 161.7 gramë.

Me vendim të prokurorit, i dyshuari është dërguar në mbajtje.