Gjilan: Hiqen objektet montuese, gjësendet dhe mbeturinat te objektet e banimit social

Hiqen objektet montuese, gjësendet dhe mbeturinat te objektet e banimit social në Gjilan dhe kjo ka ndodhur pas paralajmërimit të inspektorëve të Shërbimeve Publike, për heqjen e tyre nga pronarët deri më 30 prill.

Nga Drejtoria e Inspekcionit thonë se  po vazhdojnë me aksione të ndryshme në Komunën e Gjilanit, me qëllim zbatimin e ligjit.

Nga Drejtorati i Inspekcionit, njoftojnë se banorët te banesat e socialit kanë zbatuar kërkesën e inspektorëve dhe tashmë janë larguar objektet montuese, gjësendet dhe mbeturinat.

Inspektorët me 30 mars i kanë njoftuar banorët për heqjen e tyre, duke e paralajmëruar ata edhe për pasojat në rast mos veprimit deri më 30 prill.

Derisa objektet montuese, gjësendet dhe mbeturinat janë hequr nga personat të cilët i kanë vendosur, përkatësisht hedhur ato.  /2LONLINE/