Gjilan: Gjoba për qytetarë që nuk po i respektojnë masat anti-covid

Duke folur për aktivitetet e  policisë në rajonin e Gjilanit,  Ismet Hashani, zëdhënës i Policisë së Kosovës (PK), në Drejtorinë Rajonale në Gjilan ka thënë se kanë vazhduar aktivitetet e saja në zbatim të vendimit të fundit të Qeverisë së Kosovës,  për kontrollin, parandalimin dhe luftimin e Pandemisë COVID-19.

Ekipe të përbashkëta të policisë dhe inspektorëve të Agjencisë së Ushqimit dhe Veterinarisë (AUV), kanë shtuar aktivitetet  në rajonin e Gjilanit, transmeton Portlai 2LONLINE.com.

“Në kuadër të këtyre aktiviteteve, gjatë periudhës 22-28.12.2021 në gjithë rajonin e Gjilanit përveç vërejtjeve policore, dhe kontrollimit të shumë lokaleve, policia ka shqiptuar 389 gjoba ndaj qytetarëve të cilët nuk i kanë respektuar masat si në vendimin e Qeverisë së Kosovës”, ka thënë toger Hashani.

Policia e Kosovës apelon tek qytetarët dhe pronarët e lokaleve,  që ti respektojnë masat e parapara ligjore me qëllim të ruajtjes së shëndetit të tyre dhe shëndetit publik. /2LONLINE/