Gjilan: Arrestohet për armëmbajtje pa leje dhe posedim të marihuanës

/2L ONLINE/ – Ismet Hashani, zëdhënës i Policisë së Kosovës (PK), në Drejtorinë Rajonale në Gjilan ka bërë të ditur se Policia e Kosovës përmes rrugëve operative ka pranuar një informatë se në një kafiteri në Gjilan një person posedon armë.

Sipas tij, patrullat policore nga stacioni i Gjilanit janë organizuar dhe kanë shkuar në këtë lokacion, kanë kontrolluar personat e pranishëm, me ç’rast te i dyshuari Shqiptar shtetas i Kosovës, është gjetur dhe konfiskuar një pistolete, prodhim jugosllav, një karikator, 4 copë fishekë 7.65, dhe 1.4 gr substancë e dyshuar Marihuanë.

Në vendngjarje kanë dalë edhe njësiti i antidrogës. Me vendim të prokurorit të shtetit, i dyshuari është arrestuar dhe ndaluar në mbajtje për 48 orë. Rasti nën hetime. /2L ONLINE/

 fotoilustrim