Gjilan: Aksident trafiku me fatalitet

Policia e Kosovës ka publikuar raportin 24-orësh, ku janë evidentuar dy aksidente trafiku me fatalitet, njëri në Gjilan dhe tjetri në Pejë.

Kur jemi te rasti i Gjilanit, një person ka humbur jetën si pasojë e një aksidenti trafiku që ka ndodhur të enjten në Gjilan, ka njoftuar Policia e Kosovës në raportin e saj ditor.

Sipas policisë, aksidenti ka ndodhur më 28 maj 2026 rreth orës 08:25 dhe në të janë përfshirë dy vetura me targa vendore, të cilat drejtoheshin nga dy meshkuj kosovarë.

Si pasojë e aksidentit, drejtuesi i njërës veturë ka pësuar lëndime të rënda trupore dhe, sipas raportit policor, ka ndërruar jetë në Qendrën Emergjente në Gjilan.

Me urdhër të prokurorit, trupi i pajetë i viktimës është dërguar në Institutin e Mjekësisë Ligjore për obduksion.

Ndërkohë, vozitësi i veturës tjetër, i cili dyshohet se ka shkaktuar aksidentin, ka pësuar lëndime të lehta trupore. Pas trajtimit mjekësor, ai është arrestuar me vendim të prokurorit dhe është dërguar në mbajtje.  /2LONLINE/