Gjenerallejtënant Bashkim Jashari priti në takim Gjeneral Brigade Ylli Pulaj

Komandanti i Forcës së Sigurisë së Kosovës, Gjenerallejtënant Bashkim Jashari priti në takim Komandantin e Kolegjit të Mbrojtjes dhe Sigurisë të Forcave të Armatosura të Republikës së Shqipërisë, Gjeneral Brigade Ylli Pulaj.

Komandanti i Forcës së Sigurisë së Kosovës (KOMFSK) Gjenerallejtënant Bashkim Jashari, ka pritur sot në takim Komandantin e Kolegjit të Mbrojtjes dhe Sigurisë të FARSH, Gjeneral Brigade Ylli Pulaj.

Gjeneral Jashari, fillimisht i uroi mirëseardhje Gjeneralit Pulaj dhe e falënderoi për mbështetjen e vazhdueshme që Forcat e Armatosura të Republikës së Shqipërisë (FARSH) janë duke dhënë për Forcën e Sigurisë së Kosovës (FSK).

Në anën tjetër Gjeneral Pulaj falënderoi Gjeneral Jasharin për pritjen e ngrohtë dhe për bashkëpunimin e vazhdueshëm që personeli i FARSH dhe ai i FSK-së kanë realizuar së bashku në trajnime dhe shkollime të ndryshme.

Në fund të dy Gjeneralët rikonfirmuan bashkëpunimin ndërmjet forcave të armatosura të të dyja vendeve dhe u pajtuan për ngritjen e këtij bashkëpunimi edhe në të ardhmen. /2LONLINE/