Gjendje e paqëndrueshme epidemiologjike, janë 119 raste pozitive me Covid-19

Gjendja epidemiologjike në Komunën e Vitisë vlerësohet e paqëndrueshme.

Rritja e numrit të të infektuarve me Covid-19, ka ngritur edhe gatishmërinë e Komitetit Komunal për Mbrojtje dhe Shpëtim (KKMSH) dhe të institucioneve komunale.

Në mbledhjen e rregullt, të këtij komiteti, këtë të shtunë, u kërkua zbatim strikt i masave mbrojtëse, për të shmangur përkeqësimin e gjendjes.

Kryetari i Komunës së Vitisë, Sokol Haliti, tha se nëse numri i rasteve të reja rritet këto ditë, atëherë komuna hyn në Zonë e ashtuquajtur të kuqe dhe i nënshtrohet karantinimit. Kështu që për të mos ardhur puna deri këtu, ka kërkuar nga të gjithë kujdes maksimal.

Aktualisht në Komunën e Vitisë janë 119 raste pozitive me virusin Covid-19. /2LONLINE.com/