Gjenden pesë trupa të alpinistëve të zhdukur në Himalaje

Pilotët e forcave ajrore të Indisë i kanë parë pesë trupa të njerëzve në Himalaje gjatë operacionit të kërkimit për tetë alpinistët që u zhdukën para një jave.

Kryetari i rajonit ku po zhvillohen kërkimet, Vijay Kumar Jogande, tha se trupat u panë të hënën para se të ndërpritej operacioni i shpëtimit në rajonin Uttarakhand për shkak të erës së fuqishme dhe reshjeve të mëdha të borës.

Të martën do të vazhdojë një operacion tjetër për gjetjen e tre alpinistëve tjerë. Zyrtarët janë duke u këshilluar me ushtrinë indiane për mënyrën e tërheqjes së trupave nga bjeshkët e larta.

Të dielën, dy helikopterë të forcave ajrore indiane kryen kërkime rreth Nanda Devis, e cila është maja e dytë më e lartë në Indi, me rreth 7400 metra lartësi mbidetare. Ky vend ishte synimi i alpinistëve të zhdukur. Sidoqoftë, kërkimet u ndërprenë për shkak të motit të lig.

Në mesin e alpinistëve të zhdukur janë katër alpinistë britanikë, dy alpinistë amerikanë, një alpinist australian dhe një tjetër nga India.

Kryeshërbyesi civil i Jogdandes tha se ka gjasa që grupi i alpinistëve të jenë zënë nga një ortek i madh. Ai tha: “Gjasat që ata të kenë mbijetuar janë pothuajse zero”, tha ai.