Gjenden mjete të dyshuara të pashpërthyera në Selishtë të Gjilanit, tërheqja e mjeteve është bërë nga EOD dhe KFOR-i

Një rast i gjetjes së mjeteve të dyshuara të pashpërthyera është raportuar të dielën në fshatin Selishtë të Gjilanit.

Sipas informacioneve, një qytetar derisa ishte duke kryer punime gërmimi ka hasur në disa mjete të dyshuara, për çka ka njoftuar menjëherë autoritetet.

Njësitë relevante policore kanë dalë në vendin e ngjarjes dhe kanë siguruar perimetrin, ndërsa njësiti për deminim (EOD), në bashkëpunim me KFOR-in, kanë bërë tërheqjen e mjeteve në mënyrë të sigurt dhe pa ndonjë incident. /2LONLINE/