I gjejnë në posedim substancë narkotike

Ismet Hashani, zëdhënës i Policisë së Kosovës (PK), në Drejtorinë Rajonale në Gjilan ka bërë me dije se në rrugën “Skënderbeu”, në Kamenicë, Policia e Kosovës, njësitet nga stacioni policor i Kamenicës, kanë ndalur të dyshuarin shqiptar shtetas të Kosovës.

Gjatë kontrollit, te i njëjti është gjetur një qese e vogël e cila dyshohet të jetë substance narkotike.

Zëdhënësi Hashani ka thënë se është njoftuar Njësia Antidrogë DRP-Gjilan të cilët kanë konfiskuar substancën e dyshuar.

Në lidhje me rastin është njoftuar prokurori i cili urdhëron të hapet rast dhe t’i dedikohet Njësisë së Antidrogës.