Gjatë javës fillojnë punimet për Rrugën Kapi-Sfircë / Shahiq-Sfircë

“Ju njoftojmë se gjatë kësaj jave do të fillojnë punimet për realizimin e projektit të ndërtimit të rrugës Kapi-Sfircë / Shahiq-Sfircë, sipas kontratës së miratuar për këtë projekt”, thuhet në njoftimin zyrtar të komunës së kamenicës.

Me tej thuhet: Operatori ekonomik përgjegjës për realizimin e këtyre punimeve do të nisë me piketimin e trasesë së rrugës së planifikuar. Ky proces është i rëndësishëm për zhvillimin e mëtejshëm të punimeve dhe do të përfshijë masa të cilat mund të ndikojnë përkohësisht në lëvizjen e qytetarëve dhe transportin në këtë zonë.

“Nëse keni ankesa, pyetje, ose kërkesa në lidhje me punimet, ju lutemi që t’i drejtoheni Drejtorisë për Investime Kapitale, e cila ndodhet në objektin e Komunës së Kamenicës”, përfundon njofitmi i Komunës së Kamenicës për këtë çështje.  /2LONLINE/