Gentiana Shabani viziton bizneset luginase në Gjilan

/2L ONLINE/ – Kryetarja e Lëvizjes “Vatra”, Gentiana Shabani së bashku me bashkëpunëtorë, ka vizituar disa biznese tregtare të Komunës së Gjilanit të themeluara nga banorët e dëbuar nga Kosova Lindore, ku nga afër u diskutua për problemet aktuale të bizneseve, reformave që duhet ndërmarr në përmirësimin e klimës së biznesit, por edhe në përkrahjen e drejtpërdrejte në rritjen e numrit të të punësuarve.

Vizita, me theks të veçantë u bë tek biznesi ”RIFA’ i drejtuar nga drejtori gjeneral Memedali Dervishi.

Drejtuesit e Lëvizjes Qytetare ‘Vatra” u ndjenë të kënaqur me punën dhe me arritjet e këtij biznesi, që është bërë tërësisht me forca vetanake, ku shumica e punëtorëve që punojnë dhe e mbajnë këtë firme janë me prejardhje nga Komunat e Kosovës Lindore.

Në fund z. Dervishi falënderoi për vizitën kryetaren Shabani me bashkëpunëtor dhe i përgëzoi për angazhimin që po e bënë tani në mbrojtjen e të drejtave të luginasve në të gjitha fushat e jetës. /2L ONLINE/