Gentiana Shabani: Serbia po e mbytë demokracinë në Kosovën Lindore

/2L ONLINE/ – Lëvizja Qytetare “Vatra”, dënon aksionin e djeshëm të policisë së Serbisë lidhur me arrestimin e të rinjve shqiptarë në Komunën e Bujanocit. ‘Arrestimet e bëra nga autoritetet policore serbe janë të ngjashme me arrestimet që bëheshin në kohët e regjimeve fashiste, të cilat regjime përdornin policinë në emër të ruajtjes se ligjit”, thotë Gentiana Shabani, kryetare e Lëvizjes Qytetare Vatra.

Ajo thotë se në Kosovën Lindore , çdo ditë regjimi serb përdorë gjuhën e urrejtjes, diskriminimit mbi baza kombëtare, në veçanti ndaj shqiptarëve ta: ë Kosovës Lindore.

Sipas saj, ky diskriminim, ky zbatim I ligjit në mënyrë selektive vrehet majfte mire kur policia serbe nuk ka ndërmarrë asnjë veprim ndaj përgjegjësve të vërtetë që para syve të organeve të rendit, organizuan brohoritjen “për vrasjen e shqiptarëve”, ku në këtë veprim morrën pjesë 32.000 tifozë serbë në Beograd me rastin e ndeshjes Serbi-Shqipëri.

“Brohoritje të tilla, gjithsesi të dënueshme dhe të papranueshme, janë brohoritur edhe në Bujanoc nga pjesëtarë të komunitetit serb pas ndeshjes Shqipëri-Serbi, e organet serbe nuk kanë reaguar. Lëvizja VATRA konsideron se arrestimi i sotëm i shqiptarëve në Bujanoc është vazhdimësi e politikës së shtypjes dhe të diskriminimit shtetëror të Serbisë ndaj shqiptarëve në Kosovë Lindore”, ka thënë në reagimin e saj Gentiana Shabani, kryetare e Lëvizjes Qytetare Vatra. /2L ONLINE/