“Gënjeshtra” vije sonte premierë!

Shfaqja “Gënjeshtra”, jepet sonte premierë në Teatrin e Qytetit të Gjilanit.

“GËNJESHTRA” nga Florian Zeller, regjia Ekrem Sopi

Aktorë: Gani Rrahmani, Qendresa Jashari, Alban Shahiqi dhe Safete Mustafa Baftiu

Asistente e Regjisë: Natyrë Kallaba, Skenografia: Dhurim Ismaili-Dajki, Kostumet: Leudita Hyseni, Dizajni i dritave: Burim Baftiu

30 qershor – ora 20:00 (Premiera)

1 korrik – ora 20:00 (Repriza e parë)

Teatri i Gjilanit

Pas suksesit të komedisë “E vërteta”, Teatri i Gjilanit sjell në skenë pjesën binjake të saj – “Gënjeshtra” – nga dramaturgu francez Florian Zeller, njëri nga zërat më të rafinuar të teatrit bashkëkohor evropian.

Për shfaqjen:

Një darkë mes miqsh që shndërrohet në një duel të heshtur mes dyshimit dhe besimit. Një gënjeshtër e padëmshme…ose ndoshta fillimi i një rrëmuje të pakthyeshme.

Në këtë duel të hollë fjalësh dhe heshtjesh, e qeshura vjen e shoqëruar me tension, ndërsa të pathënat bëhen më të forta se çdo deklarim i sinqertë.

Zeller na fton të vëzhgojmë jo thjesht një martesë në pikëpyetje, por vetë natyrën njerëzore për të zgjedhur mashtrimin, kur e vërteta bëhet e papërballueshme.

Një shfaqje ku çdo buzëqeshje fsheh një dyshim, çdo fjalë një frikë – dhe ku publiku vendos vetë:

A janë gënjeshtrat më të dëmshme se e vërteta… apo më të nevojshme?

Një lojë e hollë teatrale ku asgjë nuk është ashtu siç duket. Një duel mjeshtëror mes burrit dhe gruas, miqësisë dhe tradhtisë, së vërtetës dhe gënjeshtrës.

Shfaqja është produksion i Teatrit të Gjilanit.

/Teatri i Qytetit – Gjilan /