Gashi: Po rritet imazhi i shtetit në arenën ndërkombëtare

Profesori i marrëdhënieve ndërkombëtare, Ibrahim Gashi, e ka konsideruar të arritur të rëndësishme nënshkrimin e marrëveshjes për ekstradimin ndërmjet Kosovës dhe ShBA-së, e cila është nënshkruar të martën nga presidentja Atifete Jahjaga dhe ambasadori amerikan Greg Delawie.
Në një intervistë për “Epokën e re”, Gashi ka thënë se kjo marrëveshje është konfirmim i miqësisë në mes të dyja vendeve dhe i kontribuon sigurisë dhe stabilitetit rajonal. Sipas Gashit, arritja e një marrëveshje të tillë rrit kredibilitetin dhe imazhin e shtetit të Kosovës në arenën ndërkombëtare. Ai ka thënë se një raport i tillë i bashkëpunimit ndërmjet Kosovës dhe ShBA-së duhet të shfrytëzohet nga institucionet e vendit dhe të jetë si udhërrëfyes që edhe më shtetet e tjera të rëndësishme të arrihen marrëveshje të tilla.

Intervistën e plotë mund ta lexoni në numrin e sotëm të gazetës “Epoka e re”