Gashi: Edhe këtë vit Kosova në OKB nga pozicioni i njëjtë

Profesori i marrëdhënieve ndërkombëtare, Ibrahim Gashi, ka deklaruar se Kosova duhet të tentojë ta shfrytëzojë Asamblenë e Përgjithshme të OKB-së për ta shtyrë përpara agjendën e njohjeve, dialogut dhe anëtarësimin në Interpol.

Në një intervistë dhënë për gazetën “Epoka e re”, ai ka thënë se edhe këtë vit Kosova në këtë forum të rëndësishëm do të marrë pjesë nga pozicioni i njëjtë, jo e barabartë me shtetet e tjera.

Prandaj, sipas Gashit, nuk mund të presim gjëra të mëdha në këtë sesion.

Ai ka vlerësuar se diplomacia e Kosovës nëpër takimet bilaterale të këtij forumi duhet ta përmendë edhe dialogun me Serbinë për të testuar se sa janë të gatshme shtetet anëtare të OKB-së ta shqyrtojnë anëtarësimin e Kosovës në OKB në rast të arritjes së një marrëveshje me Serbinë…

Për më tepër shih: BURIMI Epoka e re