Gardiani i Dritës premton maksimunin dhe rezultat pozitiv në ndeshjen ndaj Ballkanit
Të enjtën do të zhvillohet ndeshja e javës së gjashtë. Klubi FC Drita do të takohet me FC Ballkanin, në ora 15:00, në Stadiumin e Qytetit në Suharekë.
Portieri i Dritës Faton Maloku tha se e kanë përgatitur në maksimum ndeshjen ndaj një skuadre shumë të fortë.
“Jemi munduar të përgatisim ndeshjen si nga ana psiqike, fizike, taktike në maksimum duke respektuar skuadrën e Ballkanit, po presim me padurim deri nesër që të japim maksimumin”, tha portieri Maloku.
Ai tha se është e vërtet që nuk kaë pasur një start të mirë, por loja e fundit u ka dhënë një qetësi.
“Jemi munduar t’i përmirësojmë gabimet. Shpresoj që prej tash e tutje të marrim rezultate pozitive duke na përcjell pak më shumë edhe fati” përfundoi, gardiani i skuadrës bardh e kaltër, Faton Maloku. /2LONLINE/