Gagica: Thirrje për pozitën, opozitën dhe udhëheqjen komunale në Gjilan: Miratojeni buxhetin tani!
Nazim Gagica, kryetar i Aleancës për Ardhmërinë e Kosovës (AAK), Dega në Gjilan, njëherësh anëtar i Kuvendit Komunal të Gjilanit, u ka bërë thirrje pozitës, opozitës dhe udhëheqjes komunale në Gjilan, “miratojeni buxhetin tani!”.
“Koha po ecën dhe qytetarët e Gjilanit nuk mund të jenë peng i kalkulimeve politike. Ky nuk është momenti për inate apo për lojëra partiake – është momenti për përgjegjësi”, ka thënë Gagica.
Ai shtoi se nuk ka “viktimë” e as fitues politik në këtë situatë, por ka një humbës të madh: qytetari!
“Prandaj, veproni tani! Miratoni buxhetin dhe lejoni që projektet dhe shërbimet e domosdoshme të mos mbesin peng i politikës. Interesi i qytetarëve duhet të jetë mbi gjithçka”, ka thënë Nazim Gagica i AAK-së. /2LONLINE/