Gagica në mbështetje të Shurdhanit: Për një shoqëri më të drejtë e më gjithëpërfshirëse
”I nderuar të jem pjesë në tubimin e organizuar nga kandidati ynë për Kuvend Komunal, Fatmir Shurdhani. Në një atmosferë të ngrohtë me familjen, kolegët dhe miqtë e tij, u theksua respekti dhe mirënjohja për kontributin shumëvjeçar të Fatmirit në komunitet”, ka thënë Nazim Gagica, kandidati i AAK-së për kryetar të Komunës së Gjilanit.
Ai tha se angazhimi i vazhdueshëm i Fatmir Shurdhanit, sidomos për personat me aftësi të kufizuara, është dëshmi e vlerave të larta dhe e përkushtimit për një shoqëri më të drejtë e më gjithëpërfshirëse.
“Me vizionin dhe energjinë e tij, Fatmir Shurdhani do të jetë një zë i fuqishëm në Asamble Komunale për të gjithë qytetarët. I urojmë sukses dhe fitore më 12 tetor”, ka thënë Nazim Gagica i AAK-së. /2LONLINE/