Gagica: Nderojmë të rënët e kësaj tragjedie që la gjurmë të pashlyeshme në historinë tonë kombëtare

“Sot, në përvjetorin e 26-të të Masakrës së Llashticës, nderuam me respekt të thellë të rënët e kësaj tragjedie që la gjurmë të pashlyeshme në historinë tonë kombëtare”, ka thënë Nazim Gagica, kryetar i AAK-së, së Gjilanit.

Ai shto ise me përulësi vendosën lule mbi varret e atyre që u flijuan padrejtësisht, për të mos lejuar që kujtimi i tyre të zbehet kurrë.

“Ky përvjetor nuk është thjesht një ditë përkujtimi, por një thirrje e fortë për drejtësi, kujtesë kolektive dhe përkushtim ndaj paqes e dinjitetit njerëzor”, ka thënë Gagica.

Sipas tij, masakra e Llashticës mbetet një plagë e hapur në ndërgjegjen tonë dhe një dëshmi e sakrificës për liri.

“Kujtimi i tyre mbetet i gjallë dhe do të jetojë përherë në zemrat tona. Lavdi të rënëve për Liri”, ka thënë Nazim Gagica, i AAK-së, Dega në Gjilan.  /2LONLINE/